2013年4月12日星期五

部腦彎咗

孻細佬清早幫小禺維修,所以用得番!
星期二、四是小禺最閒的日子,諗住畫畫,但部腦就係呢兩日“彎”

無得用電腦畫圖,小禺唯有畫手繪(好耐無筆啦~)、抹吓廚房、同埋整食。
星期二晚整合桃蛋糕,星期四一早就整砵仔糕、蜜紅豆粒、紅豆餡(整定遲d用),仲有煮茶葉蛋。
因為DOWN2今日生日,佢又唔想食蛋糕添肥,所以簡簡單單,半夜定整茶葉蛋朝早食,今晚打算食扒餐,或者上海菜。樓下間上海菜館租約期滿,月中結業,佢整得幾好,新鮮熱辣又足料,好想幫襯多次,今晚星期五只怕無位。星期三晚先知要結業,又未決定邊度食生日飯,所以無預早訂,佢得108小店又少間。
。。。。。。。。。。。。。。。。。。。
星期三小禺去深水埗(返教會),喺超巿買馬蹄粉整砵仔糕,發覺得番盒,個膠套仲穿咗!最終都買咗。紙盒內的馬蹄粉只係用紙包住希望唔好生蟲啦,諗落$39.9/500克好貴吓?(既然買咗就唔好諗咁多啦)
剛才再整砵仔糕,不錯呢~~ (難得較滿意),但水份不小心加多了,希望下次成功了再post食譜。
禺爸禺媽要出門同人飲茶,小禺趁佢哋未走,拿拿聲俾佢哋試 (好熱呢~)

禺媽媽都話好味!

得番3件,就留俾DOWN2、孻細佬和亞船今晚做飯後甜品~~ (用完保鮮紙,暫時用保鮮袋入住)


↓中間2件趁熱"不"俾阿爸阿媽,個模無掃油,所以有些黏,凍咗較容易除。


今次用鬆餅模,因為較易控制擺位;以前小禺都係用砵仔糕那種碗的,整出來會靚D~~








沒有留言:

發佈留言

。。。。。。。 歡迎大家留言啊~! ^^ 。。。。。。。
記得按留言框格下面的「通知我」,才會收到電郵回覆的 :)